Վաշինգտոն նահանգում միասեռականների ամուսնությունը օրինականացնող օրինագիծը չորեքշաբթի օրը հաստատվել է: Այդպիսով այս նահանգը ԱՄՆ-ում դարձավ 7-րդը, որտեղ միասեռականների ամուսնությունն օրինականացվում է:
Ինչպես հաղորդում է Reuters-ը, Վաշինգտոնի դեմոկրատ նահանգապետն ասել է, որ նա անհամբերությամբ սպասում էր օրինագիծը ստորագրելուն և վերջ դնելուն խտրականությանը: Հակառակորդները, սակայն, որոնց առաջնորդում են կրոնական պահպանողականները, խոստացել են նոյեմբերին կայանալիք ընտրությունների ժամանակ չեղյալ համարել օրինագիծը:
Միևնույն ժամանակ, ինչպես արդեն հաղորդել էինք, Կալիֆոռնիայում հակասահմանադրական համարվեց գործող օրենքը, որով արգելվում էր միասեռականների ամուսնությունը: