Մյանմայում (նախկին անվանումը` Բիրմա) հաստատվել է երկրի նոր անվանումը եւ դրոշը: Որոշ տեղեկություններով, փոխվել է նաեւ երկրի զինանշանը: Այսուհետ երկրի նոր անվանումն է «Մյանմայի Միություն Հանրապետություն»: Այս մասին հաղորդում է RBC.ru կայքը: Այս նորարարությունները պետք է իրականացվեին խորհրդարանական ընտրություններից հետո, սակայն ավելի վաղ արվեցին:
Նոր դրոշը նախ հայտնվել է երկրի Նեյպյիդո մայրաքաղաքում գտնվող նախագահական նստավայրի վրա: Դրոշի հանելու եւ նորով փոխարինելու գործընթացը հանձնարարվել է միայն այն զինվորականներին, որոնք ծնվել են երեքշաբթի օրը, իսկ հանելու գործընթացը` չորեքշաբթի օրը ծնվածներին: Սա աստղագուշակների հորդորով է արվել, որոնց հաճախ դիմում է երկրի զինվորական վարչակարգի 74-ամյա ղեկավար Թան Շվեն: Ըստ կայացրած որոշման, բոլոր հին դրոշներն այրվել են: Նոր դրոշի գունային ընտրության (դեղին-կանաչ-կարմիր) ոչ մի բացատրություն չի տրվել:
