Հոլիվուդում ձերբակալվել են 21-ամյա Արթուր Դարբինյանը և 30-ամյա Ալիկ Ջանոյանը՝ գողացված կրեդիտային քարտերի ինֆորմացիան օգտագործելով 100 դոլարանոց նվեր-քարտեր գնելու համար:
Ինչպես հաղորդում է The Glendale News-Press թերթը՝ վկայակոչելով ոստիկանության տվյալները, ձերբակալվածներին մեղադրանք է ներկայացվել կրեդիտ քարտերի և անձնական տվյալների գողություն համար:
Ձերբակալվածները չեն ընդունում իրենց հասցեին ներկայացված մեղադրանքները:
Պարզվել է, որ երիտասարդները գնել են 100 դոլարանոց 12 նվեր-քարտ՝ գողացված բանկային հաշիվների ինֆորմացիան այլ քարտերի վրա վերակոդավորելու ճանապարհով:
Ոստիկանությունը երիտասարդներին ձերբակալել է փետրվարի 2-ին՝ այն բանից հետո, երբ նրանց գրպանում հայտնաբերվել են նվեր քարտերը և 9 վերակոդավորված քարտ:
Ոստիկանությունը պարզել է, որ Ջանոյանի և Դարբինյանի գործողություններից տուժել է 17 մարդ, որոնցից յուրաքանչյուրը կորցրել է 800-1000 դոլար: