Ռուսաստանի նախագահի աշխատակազմի ղեկավար Վլադիսլավ Սուրկովը Գրոզնիում հայտարարել է, որ Ռուսաստանի ղեկավարության մոտ ոչ մի կասկած չկա, որ Հյուսիսային Կովկասը Ռուսաստանի անբաժանելի մասն է:
«Կովկասը հանդիսանում է Ռուսաստանի հիմքը, հենարանը: Դա ոչ միայն փոխաբերական, այլ ուղիղ իմաստով է այդպես: Դա մի քար է, որը վրա կանգնած է ամբողջ Ռուսաստանը, դա երկրի հենարանն է», հայտարարել է Սուրկովը` Գրոզնիում հանդիպելով երիտասարդական կազմակերպությունների ներկայացուցիչների հետ:
Նրա մոտ զարմանք է առաջացնում այն փաստը, որ Ռուսաստանում դեռ կան մարդիկ, որոնք իրենց հարց են տալիս` արդյոք Հյուսիսային Կովկասը պետք է մեզ: «Այդպիսի դատողություններ կան, եւ պետք չէ տպավորություն ստեղծել, որ այդպիսիք չկան: Բայց ես ամենայն պատասխանատվությամբ հայտարարում եմ, որ նախագահ Դմիտրի Մեդվեդեւը եւ վարչապետ Վլադիմիր Պուտինը ոչ մի անգամ կասկածի տակ չեն դրել եւ չեն դնում Ռուսաստանի միասնությունն ու ամբողջականությունը», նշել է նա: «Բոլորը պետք է իմանան, որ Կովկասը եղել է եւ միշտ կլինի Ռուսաստանի բաղկացուցիչ մասը»:
Նա նաեւ խոսել է ազգային անհանդուրժողականության մասին, որ կա Ռուսաստանում` կոչ անելով երիտասարդ չեչեններին չնեղվել այդպիսի դրեւորումներից եւ իմանալ, որ «Ռուսաստանի ամբողջականության եւ միասնության համար ոչ մի ազգ այդքան արյուն չի թափել, որքան չեչեն ժողովուրդը»:
