ԱՄՆ-ը մտավախություն ունի, որ Ռուսաստանի արտգործնախարար Սերգեյ Լավրովի հետ ունեցած հանդիպմանը Սիրիայի նախագահ Բաշար Ալ-Ասադի տված խոոտումները դարձյալ կարող են դատարկ խոսքեր լինել: Այս մասին, ինչպես հաղորդում են ռուսական լրատվամիջոցները, հայտարարել է ԱՄՆ Պետդեպարտամենտի պաշտոնական ներկայացուցիչ Վիկտորյա Նուլանդը՝ երեքշաբթի տեղի ունեցած ճեպազրույցում:
Երեկ Սիրիայի նախագահի հետ ունեցած հանդիպումից հետո Սերգեյ Լավրովը հայտարարել էր, որ Ասադը կդադարեցնի բռնությունը, «որտեղից էլ որ այն գա»: Լավրովի խոսքերով՝ Ասադը առաջիկայում կհայտարարի երկրի նոր սահամանադրության շուրջ հանրաքվե անցկացնելու ժամկետը:
«Ինչ վերաբերում է մամուլի հայտարարություններին, ապա դուք կարող եք հականալ, որ միջազգային հանրությունը ընդհանուր առմամբ կասկածանքով կվերաբերվեր այն բանին, որ Սիրիայում բռնությունը դադարեցնելու փոխարեն մենք լսում ենք հանրաքվեի մասին խոաստումներ, որոնք Ասադը կրկնում է արդեն երկար ամիսներ»,- ասել է Նուլանդը: