ԱՄՆ պաշտոնյաները հայտնել են, որ Կենտրոնական հետախուզական գործակալությունը պատրաստվում է ընդլայնել իր ներկայությունը Աֆղանստանում և Իրաքում ամերիկյան զորքերի հեռանալուց հետո:
Ինչպես հաղորդում է The Washington Post-ը, սա ԱՄՆ նախագահ Օբամայի վարչակազմի նոր ծրագրի մի մասն է, ըստ որի՝ ԱՄՆ-ը պատրաստվում է լրտեսների և Հատուկ գործողությունների ուժերի միջոցով պատերազմական գոտիներում պաշտպանել ԱՄՆ-ի շահերը:
ԱՄՆ պաշտոնյաները նաև հայտնել են, որ, ամենայն հավանականությամբ, Կենտրոնական հետախուզական գործակալության կայանները Բաղդադում և Քաբուլում կլինեն գործակալության ամենամեծ արտասահմանյան գրասենյակները:
Դեկտեմբերին ամերիկյան զորքերի՝ Իրաքից հեռանալուց հետո Կենտրոնական հետախուզական գործակալությունը առավել շատ կենտրոնացած է զարգացումները ղեկավարելու և «Ալ-Քաիդայի» անդամներին ճնշելու վրա: