«ՀԺ»-ն գրում է, որ «Երկրապահ» կամավորական միության փետրվարի 18-ի համագումարում լրագրողների հավատարմագրումն իրականացնում Է նախագահական նստավայրի լրատվական ծառայությունը:
«Այս տեղեկությունը երեկ հաստատեցին նախագահականից: Սերժ Սարգսյանի աշխատակազմի հասարակայնության և տեղեկատվության միջոցների հետ կապերի վարչության պետ Մերի Հարությունյանն ասաց, իհարկե, որ հավատարմագրում իրականացնելու է նաև ԵԿՄ-ն, բայց դա կվերաբերի միայն միջոցառման այն հատվածներին, որոնց Սերժ Սարգսյանը չի մասնակցի, մասնավորապես՝ Մանվել Գրիգորյանի ասուլիսին»,- ապա թերթը հավելում է.
«ԵԿՄ-ի համագումարը տեղի Է ունենալու Մարզահամերգային համալիրում: Համագումարի ընթացքում ընտրվելու են վարչություն և կազմակերպության նախագահ: Ենթադրվում Է, որ այս համագումարի ընթացքում ԵԿՄ-ն իր զորակցությունը կհայտնի Սերժ Սարգսյանին»: