ԱՄՆ վերաքննիչ դատարանը երեքշաբթի օրը դատավճիռ է կայացրել Կալիֆոռնիայի միասեռականների ամուսնության մասին օրենքի վերաբերյալ` այն համարելով «հակասահմանադրական»:
Այժմ օրենքը, ամենայն հավանականությամբ, ուղարկվելու է ԱՄՆ գերագույն դատարան: Հիշեցնենք, Կալիֆոռնիայում գործող օրենքն արգելում է միասեռականների ամուսնությունը: Արգելքի աջակիցներն ասել են, որ պատրաստվում են բողոքարկել դատավճիռը:
Դատավճիռը, սակայն, մեծ ուրախություն է պատճառել միասեռականներին և նրանց աջակիցներին: Միասեռականների մի զույգ ասել է, որ իրենք չափազանց ուրախ են, քանի որ սա իրենց թույլ կտա օրենքով հաստատել իրենց միությունը: