Սպիտակ տունն ասում է, որ ԱՄՆ–ը դեռևս չի պատրաստվում զենք տրամադրել Սիրիայի ընդդիմությանը, չնայած որ որոշ օրենսդիրներ կոչ են արել գնալ նման քայլի:
Ըստ Associated Press-ի՝ Սպիտակ տան խոսնակ Ջեյ Քարնին ասել է, որ այս պահին ԱՄՆ-ը փորձում է մարդասիրական օգնություն տրամադրել Սիրիայի բնակչությանը: Նա նաև ասել է, որ ԱՄՆ-ը փորձում է մեծացնել ճնշումը Սիրիայի կառավարության վրա:
Քարնին նաև ասել է, որ նախագահ Ասադի վրա դրված ճնշումն ունենում է իր ազդեցությունը, սակայն հարկավոր է այնպես անել, որ ճնշման շնորհիվ Ասադը հեռանա իշխանությունից:
Այսօր՝ ավելի վաղ որոշ երկրի օրենսդիրներ կոչ էին արել ԱՄՆ-ին զենքով օգնել Սիրիայի ընդդիմությանը:
