Երկու արկղ բյուզանդական արվեստի ցուցանմուշները, որոնք Երկրորդ համաշխարհային պատերազմից հետո դուրս էին բերվել երկրից ու տարվել Խորհրդային միություն, վերադարձվել են Բեռլինի Բոդե թանգարանին: Այս մասին հաղորդում է РИА Новости գործակալությունը:
«Դրանք մեզ համար ունեն առանձնահատուկ նշանակություն, մենք շատ ուրախ ենք, որ այդ ցուցանմուշները վերադարձել են մեր թանգարան»,- ասել է Պրուսական մշակութային ժառանգության նախագահ Հերման Պարցինգերը:
Երկրորդ համաշխարհային պատերազմից տարիներ հետո իրերը ԽՍՀՄ-ից հայտնվել էին Լայպցիգում, որտեղ դրանք երկար ժամանակ չեն ճանաչվել: Արկղներում ընդհանուր առմամբ եղել է 47 ցուցանմուշ, որից 44-ի իսկությունը Բեռլինի բյուզանդական արվեստի թանգարանը կարողացավ հաստատել միայն վերջերս:
Դրանց թվում են, մասնավորապես, Հյուսիսային Աֆրիկայի Ք.ծ.ա. 4-5-րդ դարերի աղավնակերպ ձեթի լամպեր, ծաղկամաններ, Ք.ծ.ա. ընկած դարերի կժեր Կահիրից, եգիպտական մորուքավոր տղամարդու պատկերով անոթ և այլ հնություններ:
«Շատ իրեր մինչ պատերազմը համարակալված չէին: 1958 թ. Լայպցիգը այդ իրերը հետ ստացավ: Ամեն արկղում գտնվում էին նաև այնպիսիք, որ հնարավոր չէր պարզել»,- ասել է Լայպցիգի Գեորգ Շտայնդորֆի անվան եգիպտական թանգարանի աշխատակից Դիտրիխ Ռաուեն:
Պարցինգերի խոսքով` Բեռլինի բյուզանդական թանգարանի ցուցանմուշների մեծ մասը տարվել է ԽՍՀՄ։ Դրանց մի մասը վերարդարձվել է Բեռլինի 1950-ականներին:
