Մեծ Բրիտանիայում ներգաղթյալների գանգատարկման հարցերով զբաղվող հատուկ հանձնաժողվը որոշել է, որ արմատական մուսուլման քարոզիչ Աբու Կատադան պետք է գրավի դիմաց ազատ արձակվի մեկ շաբաթվա ընթացքում:
Ինչպես հաղորդում է BBC-ն, բրիտանական կառավարությունը կարծում է, որ այդ քայլը կարող է ռիսկային լինել ազգային անվտանգության տեսանկյունից:
Աբու Կատադան (իսկական անունը` Օմար Օտման), ամենահեղինակավոր իսլամիստ քարոզիչն է, ջիհադի ջատագովներից: Ավելի վաղ բրիտանական դատավորները հայտարարել էին, որ նա մեծ վտանգ է ներկայացնում:
2012 թ. հունվարին Կատադան Մարդու իրավունքների եվրոպական դատարանում բողոքարկեց Մեծ Բրիտանիայի դատարանի վճիռը (պետք է Մեծ Բրիտանիայից արտաքսվեր Հորդանան):
Կատադան արդեն 6 տարի պայքարում է իր արտաքսման որոշման դեմ` պնդելով, որ Հորդանանի դատարանն իր հանդեպ անարդարացի կվարվի:
Հորդանանում նա մեղավոր է ճանաչվել երկրի մայրաքաղաք Ամանի հյուրանոցներում ահաբեկչությունների կազմակերպման համար: նա պնդում է, որ ինքը ճնշումների ու կտտանքների պատճառով է խոստովանել իր մեղքը:
Նա սկսել էր թաքնվել ոստիկանությունից 2001 թ. ԱՄՆ-ում ահաբեկչությունից հետո։