Ինչպես հաղորդում է BBC-ն, Հռոմի պապ Բենեդիկտոս 16-րդը երեկ կոչ է արել իրականացնել բարեփոխումներ կաթոլիկ եկեղեցու բոլոր ոլորտներում` ապագայում անչափահասների դեմ իրականացվող հանցագործություններից խուսափելու համար:
Միաժամանակ նա նշել է, որ անհրաժեշտ է ամեն ինչ անել նման հանցագործությունների զոհերին փրկելու համար: Հռոմի պապի այս հայտարարությունը նվիրված է պատմության մեջ առաջին անգամ մանկապղծության թեմայով Վատիկանում անցկացվող համաժողովին: Դրան մասնակցում են եպիսկոպոսներ աշխարհի 100 երկրներից:
Նշենք նաև, որ նախկինում կաթոլիկ եկեղեցուն միշտ մեղադրել են նրա սպասավորների կողմից անչափահասների դեմ իրականացվող սեռական ոտնձգությունների մեջ: Սպասավորների զոհ դարձածների մի քանի խմբեր հայտարարել են, որ այս համաժողովը քարոզչական հնարք է: