«Մենք բազմիցս գրել ենք, որ ՀՀ Կոտայքի մարզպետ Կովալենկո Շահգալդյանն ակտիվորեն համագործակցում է ոստիկանների հետ»,- գրում է «Ժողովուրդ»-ը և հավելում.
«Եվ մինչ նա կփորձի հերքել, թե ինքը ոստիկանական մեթոդներով չէ, որ ձայներ է ապահովում ինչպես ՀՀԿ-ի, այնպես էլ իր սիրելի թեկնածուների համար, «Ժողովուրդը» պաշտոնապես պարզեց իրողությունը, որ Շահգալդյանը դեռ տարիներ առաջ պարգևատրվել է ՀՀ ոստիկանության «Համագործակցության ամրապնդման համար» մեդալով:
Գուցե սա է պատճառը, որ այս մարզպետի գործած բոլոր հանցանքներն անպատիժ են մնում: Դեռ տարիներ առաջ մամուլը գրել էր, որ Շահգալդյանը կառավարությանը մի փաստաթուղթ է ներկայացրել, թե տանիքները վերանորոգել է բիկրոստ կոչվող նյութով (դա տոլի տեսակ է), սակայն օգտագործել է սովորական տոլ, որը բիկրոստից էժան է մոտ 6 անգամ:
Արդյունքում գրպանել է միլիոններ: Թե ինչու նա մինչ այժմ չի հայտնվել Մարգար Օհանյանի կարգավիճակում, կարծում ենք՝ կռահում եք»,- հավելում է թերթը:
