«Ժողովուրդ»-ը գրում է, որ, ամենայն հավանականությամբ, կառավարությունն անհետևանք չի թողնի «Կանխիկ գործառնությունների սահմանափակման մասին» նախագծի տապալումը:
Ըստ թերթի տեղեկությունների՝ այն բանից հետո, երբ ԲՀԿ խմբակցությունը չմասնակցեց այս նախագծի քվեարկությանը, ու քվորումի բացակայության պատճառով այն չընդունվեց, նախագահական են հրավիրվել Աժ նախագահ Սամվել Նիկոյանն ու ֆինանսաբյուջետային հարցերի մշտական հանձնաժողովի ղեկավար Գագիկ Մինասյանը, որոնց Սերժ Սարգսյանը նախատել է անկարողության համար:
«Հիմա կառավարությունը պատրաստվում է իր առաջիկա նիստում այս հարցը ճանաչել հրատապ ու ներկայացնել խորհրդարանին՝ արտահերթ քննարկելու և քվեարկելու համար: Ի դեպ, թեև ՀՀԿ-ն ԲՀԿ-ին է մեղադրում նախագծի քվեարկությունը տապալելու մեջ, սակայն անհատական քվեարկության արդյունքներով պարզվեց՝ մի խումբ ՀՀԿ-ական պատգամավորներ ևս չեն մասնակցել քվեարկությանը: Այդ օրենսդիրներն են՝ Ալեքսանդր Սարգսյանը, Հակոբ Հակոբյանը, Առաքել Մովսիսյանը, Ռաֆիկ Պետրոսյանն ու Աշոտ Արսենյանը»: