«Հրապարակ»-ը գրում է, որ շաբաթ օրը Ծաղկաձորում ընթացող «Կամուրջ-2012» միջազգային տնտեսական համաժողովը, որն անվանում են նաև «Հայկական Դավոս», ընթացել Է առանց վարչապետ Տիգրան Սարգսյանի:
«Ընդ որում, Հայաստանի արդյունաբերողների և գործարարների միության նախագահ Արսեն Ղազարյանը պաշտոնապես հայտարարել Է, որ Տիգրան Սարգսյանը վատառողջ Է և այդ պատճառով չի մասնակցում համաժողովին: Սակայն, պարզվում Է՝ վարչապետն այնքան Էլ վատառողջ չի եղել, քանի որ նույն օրը Արարատյան Հայրապետական թեմի առաջնորդական փոխանորդ Նավասարդ եպիսկոպոս Կճոյանի հետ միասին մասնակցել Է Երևանի Գեղագիտության ազգային կենտրոնի սաների ցուցահանդեսի բացմանը՝ նվիրված Սուրբ Սարգսի տոնին:
Ստացվում Է, որ Նավասարդ Կճոյանի հետ ինչ-որ գեղանկարներ նայելը մեր վարչապետի համար ավելի կարևոր Է, քան երկրի տնտեսական խնդիրների քննարկմանը մասնակցելը: Սա դեռ բավական չէ, մի մեծ կազմակերպության ղեկավարին՝ Արսեն Ղազարյանին էլ ստիպում է սուտ ասել, թե՝ բա գիտե՞ք, Տիգրան Սարգսյանը հիվանդ է, և միայն դա է խանգարել, որ նա մեզ հետ Ծաղկաձորում չէ»,- հավելում է թերթը:
