Քենիայում վթարի է ենթարկվել ԱՄՆ նախագահ Բարաք Օբամայի 91-ամյա տատիկը, հայտնում են նրա ընտանիքի անդամները: Այս մասին հաղորդում է Associated Press-ը:
Բժիշկների հավաստմամբ, Սառա Օբաման՝ Բարաք Օբամայի պապի երկրորդ կինը, միայն թեթև վնասվածքներ է ստացել:
Նրա հարազատներից մեկը հայտարարել է, որ վթարը տեղի է ունեցել Կոգելո քաղաքից ոչ հեռու, որտեղ ապրում է Սառա Օբաման: Մեքենայի վարորդը փորձել է խուսափել բեռնատարի հետ բախումից, սակայն կորցրել է ղեկի կառավարումը և շրջվել:
Dreams from My Father վերնագրով իր հուշերում Բարաք Օբաման Սառային անվանում է «գրեննի» (տատիկ) և նկարագրում 1988 թ. Քենիա այցելության ժամանակ նրա հետ հանդիպումը:
