Պանամայում հարյուրավոր մարդիկ գերի են դարձել տեղի բնակչության բողոքի ակցիայի պատճառով: Դեմ դուրս գալով պետության կողմից բնական ռեսուրսների շահագործմանը` բնակիչները փակել են Պանամերիկյան մայրուղին: Այս մասին հաղորդում է Euronews-ը:
Փետրվարի 4-ին մայրուղու վրա կուտակվել էին զբոսաշրջիկներով հարյուրավոր մեքենաներ և բեռնատարներ: Սա աշխարհի ամենաերկար ավտոճանապարհն է, որը կապում է ամերիկյան երկու աշխարհամասերը:
Երկրի նախագահ Ռիկարդո Մարտինելին հայտարարել է, որ սպառնալիքներին տեղի չի տա:
Հինգ հազար ցուցարար հնդիկների առաջնորդը իշխանություններին է մեղադրում ստեղծված իրավիճակի համար: «Ռիկարդո Մարտինելին չի ցանկանում լսել մեր փաստարկները, բանակցել մեզ հետ: Ի՞նչ է մնում մեզ անել»,- ասել է առաջնորդը:
ՄԱԿ-ը կոչ է արել կողմերին հանդարտեցնել կրքերը և բանակցել:
