Հայ ազգային կոնգրեսի արտաքին հարցերի պատասխանատու Վլադիմիր Կարապետյանը, անդրադառնալով ԱՄՆ նախագահ Բարաք Օբամայի կողմից Ադրբեջանում ԵԱՀԿ Մինսկի խմբի նախկին համանախագահ Մեթյու Բրայզայի դեսպանի պաշտոնում նշանակվելու փաստին, ասաց. «Քանի որ Բարաք Օբաման դեսպանին նշանակեց Կոնգրեսի միջնստաշրջանային ընդմիջման ժամանակ, կարծում եմ, որ Մեթյու Բրայզան կունենա որոշակի լեգիտիմության խնդիր»: Վլադիմիր Կարապետյանն այդ նշանակումը դրական է համարում այն առումով, որ Բրայզան տարիներ շարունակ այցելելով տարածաշրջան, մոտիկից ծանոթ է այստեղի խնդիրներին, ճանաչում է տարածաշրջանի երկրների ղեկավարներին: Նա Բրայզային համարում է բազմափորձ դիվանագետ:
