Կերչի նեղուցում՝ Ղրիմի ափից մոտ 60 կմ հեռավորության վրա այրվում է «Իվան Վիկուլով» բեռնանավը: Այս մասին «Ինտերֆաքս-Ուկրաինա»–ին հայտնել է Ղրիմի արտակարգ իրավիճակների ծառայության պետի օգնական Վլադիմիր Իվանովը:
Նրա խոսքերով` աղետի մասին ազդանշանը ստացվել է տեղական ժամանակով 6.50–ին: Նավի վրա գտնվում են անձնակազմի 14 անդամներ:
Վ. Իվանովը նշել է, որ 7.05–ին նավի ուղղությամբ դուրս են եկել Ազովի ծովում գտնվող երկու սառցահատներ` «Բելոուսով»–ը և «Մոսկին»–ը: Սառցահատներն աղետի վայր կհասնեն 5-6 ժամում` հաշվի առնելով եղանակային անբարենպաստ հանգամանքները:
Բեռնանավի փրկարարական աշխատանքների համար ուղարկվել է Ուկրաինայի արտակարգ իրավիճակների ծառայության ուղղաթիռը:
