Ըստ նոր հետազոտության արդյունքների՝ հնարավոր է, որ մալարիան երկու անգամ ավելի շատ մարդկանց մահվան պատճառ է դառնում, քան նախկինում ենթադրվում էր:
USA Today-ը գրում է, որ մալարիայի մահացության դեպքերը 2004 թվականից ի վեր սկսել էին նվազել, քանի որ ձեռք էին առնվում անհրաժեշտ միջոցները: Դեկտեմբերին Առողջապահության համաշխարհային կազմակերպությունը հաղորդել է, որ 2012 թվականին այս վարակի պատճառով աշխարհում 655.000 մարդ է մահացել:
Բայց հետազոտողները, օգտագործելով նոր ստացված տվյալները և նոր միջոցներ, հայտնում են, որ 2010 թվականի մահացությունների թիվը 1.2 միլիոն է, որից 90 տոկոսը՝ միայն Աֆրիկայում:
Նոր հետազոտությունը նաև հարցականի տակ է դնում այն ընդունված վարկածը, որ երեխաները, ովքեր մեծանում են այնպիսի տարածքներում, որտեղ մալարիա է զարգանում, դրա նկատմամբ դիմադրողականություն են ձեռք բերում: Բժիշկները երկար ժամանակ կարծում էին, որ 5 տարեկանից ցածր տարիք ունեցող երեխաների և հղի կանանց համար այս հիվանդությունն ամենամեծ վտանգն է ներկայացնում:
