ԱՄՆ նախագահի թեկնածու, հանրապետական Միթ Ռոմնին CNN-ին տված հարցազրույցի ժամանակ հայտարարել է, որ իրեն «չեն անհանգստացնում աղքատները»:
Ինչպես գրում է The New York Times-ը, պատահաբար արտաբերված արտահայտությունը առիթ է հանդիսացել, որ ամերիկյան ԶԼՄ-ները և սոցցանցերը «հարձակում» գործեին Ռոմնիի վրա:
Հանրապետականի այս հայտարարությունից օգտվել են դեմոկրատները: Նրանց կարծիքով, Ռոմնին, որի կարողությունը գնահատվում է 200 միլիոն դոլար, հեռու է հասարակ ամերիկացիների խնդիրներից, առավել ևս, որ այժմ ԱՄՆ-ում աղքատ է համարվում ամեն երրորդը:
Ինքը՝ Ռոմնին, հայտարարել է, որ իր ասածը պետք է վերանայել միայն համատեքստում: Իր ընտրաշավի հիմնական առանցքը ո՛չ հարուստներն են, ո՛չ աղքատները, այլ միջին դասը, որի խնդիրներն է ապատրաստվում լուծել` միևնույն ժամանակ հասկանալով, որ կարևոր է ուշադրություն դարձնել բոլորին, սակայն կարծում է, որ առաջին հերթին անհրաժեշտ է աջակցել «հասարակության հենարանին»: