Չինաստանի իշխող կուսակցությանը պատկանող թերթը քննադատել է Իրանի դեմ ուղղված պատժամիջոցները այն բանից հետո, երբ Գերմանիայի կանցլեր Անգելա Մերկելը Պեկինում հանդիպել է Չինաստանի նախագահի հետ: Հանդիպման նպատակն էր Չինաստանին ստիպել ճնշում սկսել Իրանի դեմ` կանխելու համար Իրանի միջուկային զենքի հնարավոր զարգացումը:
Associated Press-ի հաղորդմամբ՝ People’s Daily-ը գրել էր, որ նավթային բեռնարգելքի միջոցով Իրանին ճնշելու Արևմուտքի փորձերը ստվեր են գցում համաշխարհային տնտեսության վրա: Այն կոչ էր անում այլ երկրներին հանգիստ մնալ և նոր պատժամիջոցների մասին չմտածել:
Հիշեցնենք, որ Չինաստանը իր նավթային ներկրումների 10 տոկոսը ստանում է Իրանից և հրաժարվել է այդ երկրի նկատմամբ պատժամիջոցներ սահմանել: