ԱՄՆ նախագահ Բարաք Օբաման իր տնտեսական քաղաքականությունը կապել է քրիստոնեական հավատքի հետ` ասելով, որ մարտահրավերներին դիմակայելու համար խելացի քաղաքականության հետ միաժամանակ նաև հզոր արժեքներ են հարկավոր:
Associated press-ը գրում է, որ նախագահն ազգային աղոթքի ընթացքում արել է այս մեկնաբանություններն իր տնտեսական քաղաքականության որոշ քայլերն արդարացնելու համար: Նա ասել է, որ դրանք ոչ միայն կարևոր էին տնտեսապես,այլ նաև հիմնված էին քրիստոնեական արժեքների վրա:
Օբաման ասել է, որ երբ ինքը խոսում է պատասխանատվությունների ճիշտ բաժանման մասին, դա նշանակում է, որ միջին դասի ներկայացուցիչները չեն կարող երկրի տնտեսական ողջ բեռը իրենց ուսերին տանել:
