Ինչպես հայտնում է InoPressa.ru կայքը` հղում կատարելով The Times-ի սեփական քննության արդյունքներին, Իրաքում և Աֆղանստանում գտնվող ամերիկյան զորքերին սննդամթերքի և զենքի մատակարարման միլիոնավոր դոլարների հասնող գործարքները թաղվել են քաոսի և կաշառակիրության մեջ:
Վերջին հաշվարկներով, Հատուկ աուդիտորոկան ընկերությունը (SIGIR) հիմա քննում է դրամաշորթության 110 դեպք: Ինչպես գրում է բրիտանական թերթը, արդեն հաստատված է, որ մեկ տասյնակից ավել մարդ, որոնք պատասխանատու էին ԱՄՆ-ի բանակին մթերքով ապահովելու համար, Պենտագոնի պայմանագրերը ստանալու համար վերցնում էին գումարներ: Այսպես, այս տարվա նոյեմբերին սերժանտ Ռյու Սկոտ Չեյզին դատապարտեցին մեկ տարվա ազատազրկման քուվեյթցի մատակարարողներից 2002-2003թթ.-ին 1,4 մլն դոլար կաշառք վերցնելու համար: Մյուս քուվեյթական ընկերությունը` Agility-ն, որը 2003թ.-ից սննդամթերք էր մատակարարում ամերիկյան զորքերին, Պենտագոնից մոտավորապես 68 մլն դոլար ավել գումար է վերցրել, անցյալ տարի զրկվել է իր պայմանագրից:
Այս գործով հետագայում մայոր Ջոն Քոքերեմի դեմ քրեական գործ էր հարուցվել, որի արդյունքում անցյալ տարի նա դատապարվել է 17 տարի ազատազրկման 10մլն դոլար կաշառք վերցնելու համար:
Բացի այդ, տեղեկություններ կան, որ ԱՄՆ-ի որոշ աֆղանական մատակարարներ վճարում էին «Թալիբանին» «պաշտպանության» համար, ավելացնում է կայքը: «Եթե այս տեղեկատվությունը հաստատվի, ապա դա կնշանակի, որ Միացյալ Նահանգները իրենց կամքից անկախ ներգրավվել է դրամաշորթության մեջ և այդ ձևով հնարավոր է հովանավորում են հենց նույն ապստամբներին, որոնց դեմ մենք պայքարում ենք»,- նշել է այս հարցերը քննող քննչական կոմիտեի անդամ, դեմոկրատ Ջոն Թիրնին:
