Ռեժիսոր Ջոշուա Ֆոքսը ձերբակալվել է ԱՄՆ Կոնգերսի Ներկայացուցիչների պալատում նկարահանումներ կատարելու համար: Այս մասին հայտնում է Associated Press գործակալությունը:
Ֆոսքը չի ունեցել նկարահանման թույլտվություն: Նրան շենքից դուրս են բերել ձեռնաշղթաներով: Ֆոքսին մեղադրանք է ներկայացվել հանցավոր նպատակներով հաստատություն ապօրինի ներխուժելու համար:
Ֆոքսը փորձել է փետրվարի 1-ին նկարահանումներ կատարել էներգետիկայի և շրջակա միջավայրի պաշտպանության ենթահանձնաժողովի նիստի ժամանակ: Նիստին քննարկվում էր նավթային և գազային հորերում հիդրավլիկ պայթեցման մեթոդի կիրառումը՝ ազդեցությունը մեծացնելու համար:
Ռեժիսորը դեմ է այդ մեթոդին` վստահեցնելով, որ այն վտանգավոր է շրջակա միջավայրի համար: Այս խնդրին է նվիրված «Գազլենդ» (Gasland) ֆիլմը: 2011 թվականին այն հավակնում էր «Օսկարի»` որպես լավագույն փաստագրական ֆիլմ:
Դեմոկրատական կուսակցության ներկայացուցիչները ենթահանձնաժողովում քվեարկության էին դրել Ֆոքսին նկարահանումներ կատարելու թույլտվության հարցը, հակառակ դեպքում առաջարկելով տեղափոխել նիստը:
Ենթահանձնաժողովի նիստը, որը թույլ չէին տվել նկարահանել Ֆոքսին, հեռարձակվել է համացանցում՝ ենթահանձնաժողովի կայքում: Տեղադրված է նաև ձայնագրությունը: Դա Կոնգրեսի համար սովորական պրակտիկա է: