ԱՄՆ աշխարհատարածական հետախուզության Ազգային գործակալությունը աշխատակիցը (National Geospatial-Intelligence Agency, NGA) աշխատավայրից դուրս է բերել գաղտնի փաստաթղթեր և դրանք պահել իր տանը:Այս մասին հայտնվում է The Smoking Gun կայքում, որը մասնագիտացված է իրավապահ մարմինների փաստաթղթերի հրապարակման գործում:
67-ամյա Ռոբերտ Հարվինը, որը գործակալությունում աշխատում է որպես վերլուծաբան, ՀԴԲ-ի ներկայացուցիչների հետ զրույցի ժամանակ իրեն անվանել է «կուտակիչ»` նկատի ունենալով հոգեկան խանգարումը, որի հետևանքով մարդիկ հավաքում և պահում են ոչ պիտանի իրերը:
Հետաքննությունը սկսվել է 2012 թվականի հունվարին: Այն բանից հետո, երբ Հարվին մեքենայում հայտնաբերել են գաղտնի փաստաթղթերը, նրան հարցաքննել են: Ստանալով օրդեր, ՀԴԲ-ի գործակալները ստուգում են անցկացրել նրա բնակարանում` գտնելով գաղտնի փաստաթղթեր, որոնցից մեկը վերաբերում էր միջուկային զենքին:
Հարվինի գործընկերը ՀԴԲ-ին պատմել է, որ Հարվինը մի քանի անգամ գործակալության տարածքից դուրս է բերել ծանր պլաստիկ փաթեթ: Իսկ մեկ այլ գործընկեր հայտնել է, որ Հարվինը ուղղակիորեն խոստովանում էր փաստաթղթեր դուրս հանելը: Նրանց խոսքերով, Հարվինը վստահեցնում էր, որ դրանք անում էր պահատաբար և հաջորդ օրը վերադարձնում էր:
Չի հաղորդվում` արդյոք Հարվինի նկատմամբ մեղադրանքներ առաջադրված են, թե` ոչ, և եթե այո, ապա ինչպիսի: Այս կապակցությամբ դեռ պաշտոնական մեկնաբանություններ չկան:
