Հանրապետությունում եղանակը կպայմանավորվի անտիցիկլոնային դաշտի ազդեցությամբ:
Այս գիշեր և փետրվարի 2-ին ամբողջ տարածքում կդիտվի ձյուն, կեսօրից հետո հյուսիսային կեսում տեղումները կդադարեն:
«Առաջին լրատվական»-ը «Մետեո Թի Վի»-ից տեղեկանում է, որ տեղումները կպահպանվեն միայն հարավային հատվածում` Վայք, Սյունիք, Արցախ, որտեղ տեղումներ կդիտվեն մինչ ուշ երեկո:
Առանձին վայրերում հնարավոր են առատ տեղումներ: Օդի ջերմաստիճանը փետրվարի 2-ին ցերեկը կնվազի 3-5 աստիճանով: Քամու ուժգնությունը լեռներում և լեռնանցքներում կհասնի 18-20մ/վրկ-ի, քամու առկայության պարագայում կդիտվի բուք, ավտոճանապարհներին` ցածր տեսանելիություն, մերկասառույց, տեղացող առատ ձյան հետևանքով` դժվարանցանելիություն:
Երևանում այս գիշեր սպասվում են տեղումներ, տեղ-տեղ` առատ, փետրվարի 2-ին կեսօրից հետո տեղումները կդադարեն: Օդի ջերմաստիճանը կնվազի, ուստի հավանմական է մերկասառույցի առաջացումը:
Հնարավոր է նաև մառախուղ: Օդի ջերմաստիճանը գիշերը կլինի -2-4, ցերեկային ժամերին` -2+1, երեկոյան -2-4 աստիճան: