Ռուսաստանը չի պատրաստվում պատասխանել ուժի չկիրառման վերաբերյալ Վրաստանի միակողմանի նախաձեռնությանը։ Այս մասին հաղորդում է Грузия Online –ը՝ հղում անելով Վրաստանի արտգործնախարարության հայտարարությանը, որն այսօր տարածվել է 2010թ. հիմնական արտաքին քաղաքական իրադարձությունների վերաբերյալ ՌԴ արտաքին քաղաքական գերատեսչության կողմից հրապարակված տեղեկատվության կապակցությամբ:
2010թ. արդյունքների վերաբերյալ ՌԴ ԱԳՆ-ի փաստաթղթում նշվում է, որ հոկտեմբերին Հարավային Օսիայի և Վրաստանի միջև վիճահարույց տարածքի Պերևի գյուղից ռուսաստանյան սահմանապահ կետի դուրսբերումը փաստեց Ռուսաստանի կողմից Մեդվեդև-Սարկոզի համաձայնությունների կատարման վերջնական արգելափակումը:
«ՌԴ ԱԳՆ-ի այս գնահատականները միանշանակ հաստատում են, որ Ռուսաստանը չի պատրաստվում պատասխանել ուժի չկիրառման վերաբերյալ Վրաստանի նախաձեռնությանը և դարձյալ շարունակում է կոպտորեն խախտել հրադադարի վերաբերյալ համաձայնագիրը՝ անտեսելով միջազգային հանրության իրավական պահանջները»,-հայտարարել է Վրաստանի արտգործնախարարությունը: