РИА Новости գործակալությունը, հղում կատարելով Բաղդադի Գեղագիտության համալսարանի դեկանի տեղակալ Ֆալահ Ալ-Մուսադիի խոսքերին, հաղորդում է, որ Իրաքի կրթության նախարարությունն արգելել է այս համալսարանին 2011թ. ուսանողներին դասավանդել երաժշտության և թատերական արվեստ:
Ալ-Մուսադին հայտնել է, որ իրաքյան իշխանությունների այս որոշումը «մահ» է իր համար: Նա նշել է, որ որոշման վրա ազդել են կրոնական կուսակցությունները, որոնք երկիրն ուզում են վերադարձնել միջնադար: Բաղդադի Գեղագիտության համալսարանում մտահոգություն են հայտնել, որ այս արգելքը հետագայում նաև կարող է ազդել քանդակագործության և գեղանկարչության վրա:
2010թ. սեպտեմբերին հետաձգվել է միջազգային մշակույթային փառատոնը, որը պետք է տեղի ունենար Բաբելոն քաղաքի ավերակների վրա: Կարծիք է հայտնվում, որ դրա հետևում կանգնած են կրոնական խմբավորումները: Բացի այդ, France-Press գործակալության տեղեկացմամբ, ընդհանուր առմամբ Իրաքում շարունակում է գործել ընդամենը 5 կինոթատրոն:
Մասնագետները բազմիցս հայտարարել են, որ Իրաքում, որը պաշտոնապես չի համարվում իսլամական երկիր, աշխարհիկ մշակույթը ծայրահեղական խմբավորումների հալածանքներին է ենթարկվում: Մասնավորապես, այսպիսի կարծիք է հայտնել Սաադ Ալ-Ջենավին РИА Новостии-ն տված հարցազրույցում:
