ԱՄՆ ազգային հետախուզության ղեկավար Ջեյմս Կլեպեռը հայտարարել է, որ «արաբական գարնան» իրադարձությունները հանգեցրել են ծայրահեղական ուժերի գործունեության ակտիվացմանը: Դրանք նաև ահաբեկիչներին «օպերատիվ գործելու» հնարավորություն են ընձեռել:
«Անկայունությունը հնարավորություն է տվել ահաբեկիչներին, որոնք ներառված են գլոբալ ջիհադի մեջ, օպերատիվ կերպով գործել, մինչդեռ անվտանգության ուժերը ստիպված են կարգուկանոն պահպանելով զբաղվել»,- ասել է Կլեպեռը: Նա նաև նշել է, որ արաբական երկրների անկայուն իրավիճակը կարող է ուժեղացնել հասարակության դժգոհությունը և հանգեցնել տնտեսական խնդիրների: