Sky News գործակալության տեղեկացմամբ, 14 տարվա ընթացքում Մեծ Բրիտանիայում տղամարդիկ գիրացել են միջինը 8կգ: Այս հետազոտությունները կատարվել են մի խումբ գիտնականների կողմից Օքսֆորդի համալսարանի գիտնական Փիթեր Սկարբորոյի գլխավորությամբ: Հետազոտության վերաբերյալ տեղեկությունները տպագրված են British Journal of Nutrition ամսագրում:
Սկարբորոյի խումբը հաշվել է Մեծ Բրիտանիայի բնակիչների քաշի միջին աճը 1986-2000թթ. ընկած ժամանակահատվածում: Հետազոտությունների արդյունքում պարզվել է, որ բրիտանացիների քաշն ավելացել է միջինը 7,7 կգ, իսկ բրիտանուհիներինը` 5,4կգ:
Գիտնականները նաև հաշվել են բրիտանացիների ուտելիքի կալորիականության չափը նշված ժամանակահատվածում: Ստացված արդյունքների հիման վրա հաշվվել է բրիտանացիների քաշի կանխատեսվելիք աճը:
Հետազոտողները պարզել են, որ օգտագործվող սննդի կալորիականության աճի հետ մեկտեղ բրիտանացիները պետք է միջինը գիրանային 4,7կգ, ընդ որում՝ բրիտանուհիների միջին քաշը պետք է ավելանար 6,4կգ:
Սկարբորոյի խոսքով, գիրացման պատճառը ոչ միայն բարձր կալորիականությամբ սնունդ օգտագործելն է, այլև ֆիզիկական ծանրաբեռնվածության պակասը:
Մեծ Բրիտանիայի առողջապահության ազգային ծառայության տվյալներով, բրիտանացիների 24%-ը և բրիտանուհիների 25%-ը տառապում են գերճարպակալմամբ: Իսկ քաշի ավելցուկ ունեն բրիտանուհիների 32 և բրիտանացիների 42%-ը:
