ԱՄՆ հետախուզության ղեկավարն այսօր ասել է, որ Իրանն իր միջուկային ծրագրի վերաբերյալ որոշումները կայացնում է «ծախս-օգուտ» մոտեցման համաձայն, որը հնարավորություն կտա ԱՄՆ-ին դիվանագիտական ճանապարհով ազդել Թեհրանի վրա:
Ինչպես գրում է AFP-ն, ազգային հետախուզության տնօրեն Ջեյմ Քլեփերը սենատորներին ասել է, որ Իրանի ռազմավարությունն իրենք գնահատում են որպես «ծախս-օգուտ» մոտեցում, որը հնարավորություն է տալիս միջազգային հանրությանն ազդել Թեհրանի վրա:
Քլեփերն ասել է, որ Իրանի առաջնորդներն, անշուշտ, իրենց միջուկային ծրագրի վերաբերյալ որոշումները կայացնելիս հաշվի են առնում երկրի անվտանգությունը, հեղինակությունը և ազդեցությունը, ինչպես նաև՝ միջազգային քաղաքական և անվտանգության միջավայրը:
Նա նաև ասել էր, որ Իրանն ունի միջուկային զենք ստեղծելու հնարավորություն, բայց դեռևս հայտնի չէ, թե ինչ կանի:
