2010թ. ամենաեկամտաբեր ֆիլմերը

Forbes-ի տեղեկացմամբ, «Խաղալիքների պատմությունը-3» մուլտֆիլմը 1,06 մլրդ դոլար հասույթով գլխավորում է 2010թ. ամերիկյան ֆիլմարտադրության ամենաշահութաբեր ֆիլմերի տասնյակը:
«Խաղալիքների պատմությունը», որը, ըստ OnePoll-ի հարցման, ճանաչվել է բոլոր ժամանակների ամենալավ մուլտֆիլմը, ամբողջությամբ ստեղծված է համակարգչով: 1995թ. մուլտֆիլմը, առաջին անգամ մեծ էկրանին ցուցադրվելով, հավաքեց ամենաշատ դրամարկղային հասույթը` 300 մլն դոլար:
Լի Անկրիչի մուլտֆիլմի սյուժեի հիմքում (մուլտֆիլմը ստեղծվել է Pixar Animation ստուդիայում, իսկ Walt Disney-ն էլ ապահովել է նրա առաջխաղացումը), պատմվում է «Վուդի» կովբոյ խաղալիքի մասին (խոսում է Հոլիվուդի դերասան Թոմ Հենքսի ձայնով), որին սիրում են և՛ երեխաները, և՛ մեծահասակները:
Forbes-ը 2010թ. համարում է մուլտֆիլմների տարի. ամենաշահութաբեր 10 մուլտֆիլմերի ցուցակում ընդգրկված են «Շրեկ-4»-ը, «Ընդմիշտ»-ը, «Գարշելի ես»-ը և «Ինչպես դաստիարակել վիշապին»-ը:
Երկրորդ տեղում է Թիմ Բարթոնի «Ալիսան հրաշքների աշխարհում» մուլտֆիլմը (Ալիսայի դերում՝ Միա Վիսկովսկի, մյուս դերերում՝ Ջոնի Դեպ և Էնն Հատթուեյը), որը հավաքել է 1,02 մլրդ դոլար: Այսպիսով, Disney կինոստուդիան դարձել է Հոլիվուդի անդրանիկ կինոարտադրողը, որն առաջին անգամ մեկ տարվա ընթացքում նկարահանել է 2 մուլտֆիլմ, որոնցից յուրաքանչյուրը հավաքել է ավելի քան 1 մլրդ դոլար: Հատկանշական է, որ այս մուտֆիլմն ավելի մեծ տարածում է գտել ԱՄՆ-ի սահմաններից դուրս։ Ամենաշահութաբեր ֆիլմերի ցանկում են, ինչպես և ակնկալվում էր, «Հարի Փոթերը և մահվան պարգևները», «Սկիզբը», «Երկաթյա մարդը-2»:
Սակայն այս բոլոր ֆիլմերը չեն գերազանցում 2009թ. նկարահանված «Ավատարին»: Դևիդ Քեմերոնի բլոքբաստերը դարձել է պատմության մեջ ամենաշատ հասույթ հավաքած ֆիլմը` 2,7 մլրդ դոլար: