Գերծանր քաշային կարգում WBO, WBA, IBF վարկածներով Աշխարհի չեմպիոն ուկրաինացի բռնցքամարտիկ Վլադիմիր Կլիչկոն պատմել է 2012 թվականին իր նախագծերի մասին:
«Տարվա կտրվածքով մենամարտերի օպտիմալ քանակության մասին իմ պատկերացումները չեն փոխվել: Պատրաստվում եմ 2012 թվականին 3 մենամարտ անցկացնել: Օրերն արդեն հայտնի են: Մարտի 3-ին մենամարտելու եմ Մորմեկի դեմ:
Հուլիսի 7-ին կամ 14-ին պատրաստվում եմ տիտղոսս պաշտպանել Թոմփսոնի հետ մենամարտի արդյունքում: Երրորդ մենամարտը տեղի կունենա հոկտեմբերին, իսկ հակառակորդիս անունն այժմ չեմ կարող նշել»,- Կլիչկոյին մեջբերում է Segodnya-ն:










































