30 տարուց ԱՄՆ բանակը կսկսի օգտագործել մարդկանց կողմից չկառավարվող անօդաչու սարքեր, որոնք ի վիճակի են ինքնուրույն որոշումներ կայացնել օբյեկտներ չեզոքացնելու հարցում: Նման ռոբոտները հնարավոր կլինեն գերարագ համակարգիչների և նոր ծրագրային ապահովման մշակման շնորհիվ:
Ինչպես հաղորդում է Reuters գործակալությունը, նոր տեսակի ռոբոտների վերաբերյալ քննարկումներն սկսվեցին այն բանից հետո, երբ հունվարի 25-ին Պենտագոնը հայտարարեց, որ գնում է 100 հազար անօդաչու սարք:
Այժմ սարքերը ղեկավարվում են մարդկանց կողմից, սակայն առաջիկայում նախատեսվում է, որ մարդկային գործոնը կբացառվի և կփոխարինվի արհեստական ինտելեկտի համակարգով,- ասվում է ԱՄՆ ռազշածովային ուժերի՝ մինչև 2047 թ. անօդաչու թռչող սարքերի զարգացման ծրագրերի շուրջ զեկույցում:
«Համակարգերը կարող են ընդունել ռազմական որոշումներ, գործել իրավական դաշտում՝ առանց մարդկային գործոնի ներգրավման»,- ասվում է զեկույցում:
Աշխատանքի նոր սխեմայի համաձայն, անօդաչու սարքերը կարող են ինքնուրույն գործել «դիտարկում-կողմնորոշում-որոշում-գործողություն» սխեմայով: Զինվորականները, սակայն, կարող են չեղյալ համարել սարքերի կայացրած որոշումները:
