Երեկ Թուրքիայի վարչապետ Ռեջեփ Թաիփ Էրդողանն իր կուսակցության անդամների հետ հանդիպման ժամանակ ունեցած ելույթում հայտարարել է, որ Քրդստանի աշխատավորական կուսակցության (ՔԱԿ) անդամները փորձում են ընտրություններից առաջ բանավեճ հրահրել և բարձրացնել քրդերին ինքնավարության տրամադրման և երկլեզվության հարցը: Այս մասին հաղորդում է թուրքական Zaman թերթը:
«Սցենարը շատ պարզ է. յուրաքանչյուր ընտրությունից առաջ ահաբեկչական այս կազմակերպությունը ցանկանում է ազդեցություն ունենալ ընտրական գործընթացի վրա և ձևավորել ներքին քաղաքականությունը: Որոշ հայտնի խմբավորումներ նույնպես համագործակցում են այդ կազմակերպության հետ այս զզվելի սցենարի շուրջը, քանի որ նրանց նշանակետը Արդարություն և զարգացում կուսակցության ձևավորած կառավարությունն է: Դա նրանք արել են անցյալում և հիմա էլ են փորձում անել: Ես հավատացած եմ, որ իմ ազգը կտապալի այս ծրագրերը»,- ասել է Էրդողանը` նկատի ունենալով Էրգենեկոնի համագործակցությունը ՔԱԿ-ի հետ:
Ամփոփելով տարին` Էրդողանն ասել է, որ դժվար տարի է եղել` նշելով տնտեսական ճգնաժամի ազդեցության, սահմանադրական հանրաքվեի, աշխարհաքաղական փոփոխությունների մասին:
Saturday, 20 04 2024
Էրդողան. «Քրդերն ակտիվանում են ընտրություններից առաջ»
Ամենաընթերցված
Բաժիններ
Ուղիղ
Լրահոս
Որոնում
Ուղիղ եթեր
Ամեն ինչ եղել է
Hard Days Երեկո
Հոծ գիծ
Մամուլի հետ սուրճ
narRատիվ
Ուղիղ քաղաքականություն