Վրաստանյան գործակալությունների հաղորդմամբ, խորհրդարանի նախագահ Դավիթ Բակրաձեն կարծիք է հայտնել, որ Ռուսաստան ամեն դեպքում պետք է հարգի միջազգային հանրության կարծիքը և ճանաչի Վրաստանի տարածքի օկուպացիան:
Բակրաձեի խոսքով, անցնող տարում շատ միջազգային կազմակերպություններ և տարբեր երկրների խորհրդարաններ ընդունել են կոշտ բանաձևեր` ի պաշտպանություն Վրաստանի և նրա տարածքային ամբողջականության, և դա կարելի է հիմք համարել:
«Ես ուրախ եմ, որ խորհրդարանը այս պայքարում առաջատար գծում էր, և խորհրդարանական դիվանագիտությունը 2010-ին բավական հաջող էր»: Բակրաձեն շեշտել է, որ Ռուսաստանը կարող է ինչ-որ ժամանակ դեմ գնալ միջազգային հանրությանը, սակայն դա ունի շատ մեծ քաղաքական գին, և արդյունքում ոչ մի երկիր, որքան էլ ուժեղ և հարուստ լինի, չի կարող աշխարհաքաղաքական կարծիքին դեմ գնալ: «Սա է պատմության դասը` այդ թվում և Խորհրդային Սիության պատմության»: