ԱՄՆ Սենատի բանկային հանձնաժողովի օրենսդիրները պատրաստվում են քվեարկել Իրանի էներգետիկ սեկտորի դեմ ուղղված նոր պատժամիջոցների համար: Այս կերպ նրանք ցանկանում են նվազեցնել այն ֆինանսավորումը, որը Իրանը կարող է օգտագործել իր միջուկային ծրագիրը զարգացնելու համար:
Reuters-ը հաղորդմամբ` կոմիտեն ավելի ուշ` երկուշաբթի օրը, ներկայացրել է 61 էջից բաղկացած երկու կուսակցությունների կողմից հաստատված մի օրինագիծ, որի քվեարկությունը կկայանա այսօր:
Հանձնաժողովի նախագահ Թիմ Ջոնսոնն ասել է` քանի որ Իրանը շարունակում է անտեսել իր միջազգային պարտավորությունները և հրաժարվում է ապացուցել, որ միջուկային ծրագիրը ռազմական ուղղվածություն չունի, ավելի է կարևորվում Իրանին և նրա առաջնորդներին մեկուսացնելու հարցը:
ԱՄՆ նախագահ Բարաք Օբաման պատրաստվում է հետևել ԵՄ նոր որոշմանը` Իրանից նավթի ներկրումների բեռնարգելքի և Կենտրոնական բանկի ակտիվների սառեցման վերաբերյալ: