Ըստ աստղաբան Գուրգեն Հովհաննիսյանի՝ 2011թ. հայկական տոնացույցը կգլխավորի Վեներա մոլորակը, որը մայրության, գեղեցկության, սիրո աստվածուհին է եղել, հետևաբար՝ ընտանիքը, կին-տղամարդ փոխհարաբերությունները առաջնային կլինեն ողջ տարվա ընթացքում: Հայական տոնացույցի վրա նաև իր ազդեցությունը կունենա Մերկուրի մոլորակը: Մերկուրի և Վեներա մոլորակների միացումը հայերի համար բացառիկ նշանակություն կունենա, որովհետև միավորվում են տղամարդու հայացքներն ու կանացի մտածողությունը:
«Ամուր ընտանիքներ ստեղծելու բացառիկ տարի է , հատկապես հունվարի 4-ը, երբ Վեներան միանում է Յուպիտերի հետ: Տարվա թրթռոցը կանցնի 4 թվի ներքո, որը նշանակում է ամրություն, հանգստություն, համբերություն և ուժի պահպանում, որովհետև 4-ն իր մեջ ներառում է բոլոր չորս տարերքները: Զույգերի միությունը պետք է կազմվի սիրո հիման վրա, որովհետև հակառակ դեպքում ամենաուշը երկու տարվա ընթացքում այդ միությունները կփլուզվեն»: Աստղաբանը կարևորեց նաև այն, որ ծագած հարցերը, խնդիրները, խռովությունները շատ հարմար է կարգավորել դեկտեմբերի 30-ից սկսած10 օրվա ընթացքում:
Ըստ աստղաբանի՝ տարվա գույներն են կանաչի երանգները և կապույտը: Նա նաև խորհուրդ տվեց տոնական սեղաններին ճագարի միս չդնել, քանի որ ճագարի միսը արագացնում է ծերացումը: