Associated Press գործակալության հաղորդմամբ, Air France ավիաընկերությունը 1,2 մլն ռիալ (մոտ 714 հազար դոլար) փոխհատուցում կվճարի անցած տարվա մայիսին Ատլանտյան օվկիանոսում աղետի ենթարկված А330 ինքաթիռում զոհված 4-հոգանոց ընտանիքի հարազատներին:
Դատավորը որոշում է կայացրել փոխհատուցում տալ ինչպես ընտանիքի մոր հարազատներին, այնպես էլ նրա ամուսնու ծնողներին: Սակայն ավիաընկերության ներկայացուցիչը Բրազիլիայում հայտնել է, որ ավիաընկերությունը, հնարավոր է, բողոքարկի այդ որոշումը:
Հիշեցնենք, որ А330 կործանված ինքնաթիռում եղել է 228 մարդ: Ինքնաթիռն ուղևորվում էր բրազիլական Ռիո դե Ժանեյրոյից Փարիզ: Սա Air France ավիաընկերության 75-ամյա պատմության մեջ ամենախոշոր ավիավթարն է: