Հարգելիներս, այս պահին` գիշերվա այս ժամին, 12-00-ին, իմացանք, որ վառվում է Թաղտա թաղամասից մինչև Ռոտոնդա գտնվող Ալուի թալա կոչվող թաղամասը: Ցավով պետք է նշեմ, որ դժվարանցանելի այդ հատվածում խոտը վառվելով հասել է նաև անտառին, և հրշեջ ծառայությունից ինձ հայտնեցին, որ հրշեջ մեքենաները, նաև ազգային պարկի մեքենան գնացել են այնտեղ, որ հանգցնեն կրակը: Ամենաաղետալին այն կլինի, որ կրակը մոտենա եղևնու և սոճու անտառամասին, որը դժվար կլինի հանգցնելը: Ես արդեն սարսափում եմ, որ պատկերացնում եմ` կարող է այդ մասը հրդեհվել. իսկական աղետ կլինի: Ազգային պարկի տնօրենից 20 րոպե մեկ իմանում եմ, թե ինչ է կատարվում: Ես այս պարագայում համոզված եմ,որ դիտավորյալ են արել: Ես չգիտեմ, թե այս պահին ինչ անեմ, քանի որ այնտեղ հասնելը շատ դժվար է, անանցանելի, չգիտեմ, թե ոնց են մեքենաները հանգցնելու կամ հասնելու գոնե այնտեղ: Խնդրում եմ տարածել այս ինֆորմացիան. թող հանրապետական արտակարգ իրավիճակներից գոնե ուժ կամ տեխնիկա բերեն, չգիտեմ` ինչ անեմ:
Մարիամ Սուխուդյան
