Անգլիայի առաջնություն. 20-րդ տուր

Երեկ մեկնարկեց Անգլիայի առաջնության հերթական 20-րդ տուրը: Կրկին մեծ հետաքրքրություն էին առաջացնում առաջատարների մասնակցությամբ հանդիպումները: Եթե «Մանչեսթր Սիթի»-ն և «Տոտենհեմ»-ը հեշտ հաղթանակներ տարան, համապատասխանաբար, «Ասթոն Վիլլա»-ի և «Նյուքասլ»-ի նկատմամբ, ապա «Մանչեսթր Յունայթեդ»-ը երկու միավոր կորցրեց «Բիրմինգհեմ»-ի հետ խաղում: «Մանչեսթր Սիթի»-«Ասթոն Վիլլա»` 4:0, «Տոտենհեմ»-«Նյուքասլ»` 2:0, «Բիրմինգհեմ»-Մանչեսթր Յունայթեդ»` 1:1: Մյուս հանդիպումներում գրանցվեցին հետևյալ արդյունքները. «Սթոուք»-«Ֆուլհեմ»` 0:2, «Սանդերլենդ»-«Բլեքփուլ»` 0:2, «Վեսթ Բրոմվիչ»-«Բլեքբրն»` 1:3, «Վեսթ Հեմ»-«Էվերտոն»` 1:1: Տուրի կենտրոնական հանդիպումը կկայանա այսօր. «Չելսի»-«Բոլթոն» խաղում կորոշվի «Ազնվականներ»-ի մարզիչ Կառլո Անչելոտտիի ճակատագիրը: «Լիվերպուլ»-ը կընդունի «Վուլվերհեմփթոն»-ին, «Արսենալ»-ը կհյուրընկալվի «Ուիգան»-ին: