Ռուսական «Комсомольская правда» թերթի հաղորդմամբ, Մոսկվայում շարունակվում է «Յուկոսի» նախկին սեփականատեր Միխայիլ Խոդորկովսկու և նրա գործընկեր Պլատոն Լեբեդևի դեմ հարուցված քրեական գործով մեղադրական ճառի հրապարակումը:
Այն կտևի մի քանի օր, և, շատերի կարծիքով, հրապարակման ընթերցումը կավարտվի միայն հաջորդ տարվա հունվարին:
Թերթը գործի հետ կապված հետաքրքիր մանրամասներ է ներկայացրել: Պարզվել է, որ գործով վկայություն են տվել «Սբերբանկի» ներկայիս նախագահ, իսկ անցյալում տնտեսական զարգացման նախարար Գերման Գրեֆը, ինչպես նաև արդյունաբերության և առևտրի նախարար Վիկտոր Խրիստենկոն: Մեղադրական ճառում դատավորը հղում է արել այս երկու պաշտոնյաների վկայություններին` ապացուցելու Խոդորկովսկու և Լեբեդևի մեղքը: Նրանք հանդես էին եկել որպես մեղադրական կողմի ներկայացրած վկաներ, թեպետ փաստաբաններն էլ էին միջնորդել նրանց կանչել որպես վկա:
Սակայն ինչպես հայտնել է փաստաբան Ելենա Լիպցերը, ոչ Գրեֆի և ոչ էլ Խրիստենկոյի վկայությունները չեն ապացուցել պաշտպանյալի մեղքը: