ԱՄՆ նախագահ Բարաք Օբաման YouTube վիդեոհոսթինգի և Google+ սոցիալական ցանցի «ուղիղ եթերում» կպատասխանի ինտերնետ-օգտատերերի հարցեին,- հաղորդում է CNN-ը:
«Երկուշաբթի երեկոյան նախագահը YouTube-ի և Google+-ի միջոցով կմասնակցի զրույցի, որի ընթացքում կքննարկի Կոնգրեսին ուղղված իր ուղերձը: Հարցազրույցը կանցկացվի Google+ Hangout-ի (խմբակային վիդեոչաթի ծառայություն) միջոցով, որը կլինի նրա՝ ամբողջությամբ վիրտուալ առաջին հարցազրույցը Սպիտակ տնից»,- ասվում է Սպիտակ տան հաղորդագրության մեջ:
Նախագահը կպատասխանի YouTube-ի օգտատերերի հարցերին: Հարցերից յուրաքանչյուրը ստացել է ավելի քան 225 հազար մարդու հավանություն: Օբաման Կոնգրեսին ուղերձ էր հղել անցյալ երեքշաբթի օրը:
«Հարցազրույցը ուղիղ եթերով կհեռարձակվի WhiteHouse.gov,YouTube.com/whitehouse և White House Google+ page կայքերով»,- նշվում է հաղորդագրության մեջ:
YouTube-ի հետ աշխատանքը ծանոթ է ԱՄՆ նախագահին, մինչդեռ Google+ ծառայությունից նա առաջին անգամ է օգտվում:
2012 թ. հունվարը ԱՄՆ վարչակազմի համար տեխնիկական բեկումներով լի ամիս էր: Այսպես՝ ԱՄՆ պետդեպարտամենտը այս ամիս հայտարարեց «21-րդ դարի պետական կառավարման ամիս»: Այդ կապակցությամբ գերատեսչությունը և արտասահմանի ԱՄՆ ներկայացուցչությունները մի շարք ճեպազրույցներ կանցկացնեն սոցիալական ցանցերում և տարբեր մեդիապլատֆորմներում:
