Ինչպես հաղորդում է ամերիկյան Fox News-ը, մեքսիկական Դվադելուպե Դիստրիտո Բրավոս քաղաքը մնացել է առանց ոստիկանական ծառայության, քանի որ թմրաբիզնեսի ներկայացուցիչները առևանգել են 9000-անոց բնակչություն ունեցող քաղաքի վերջին ոստիկանին: Ընդ որում, այդ ոստիկանը կին է:
Էրիկա Գանդարին առևանգելուց հետո հանցագործները այրել են նաև նրա բնակարանը: Քաղաքը մնացել է առանց ոստիկանության նաև այն պատճառով, որ այստեղի հզոր թմրաբիզնեսի ներկայացուցիչները կամ սպանել էին տեղի ոստիկանության ներկայացուցիչներին, կամ ստիպել են, որ ոստիկանները հրաժարվեն իրենց աշխատանքներից:
Թմրաբիզնեսն ամերիկյան այս երկրում մեծ չափերի է հասել, իսկ մեքսիկական որոշ շրջաններ ուղղակի վերահսկվում են մաֆիայի կողմից: Այդ պատճառով ոստիկաններն ուղղակի նախընտրում են հրաժարվել իրենց աշխատանքից և չվտանգել իրենց ընտանիքները: