Առնվազն 10 մարդ է մահացել և 18-ը վնասվածքներ ստացել ԱՄՆ Ֆլորիդա նահանգում տեղի ունեցած ճանապարհատրանսպորտային պատահարի պատճառով: Այս մասին հայտնում է Associated Press գործակալությունը:
Արևածագի ժամերին իրար են բախվել մի քանի ավտոմեքենա: Ցածր տեսանելիության պատճառը մառախուղին խառնված անտառային հրդեհի ծուխն էր: Վթարը տեղի է ունեցել ճանապարհի երկու ուղղությունների վրա: Իշխանությունները հետաքննություն են սկսել միջադեպի պատճառներ պարզաբանելու համար, վերանայվում է անտառը կանխամտածված հրդեհելու տարբերակը:
Վթարի է ենթարկվել առնվազն 12 մեքենա և վեց բեռնատար: Բացի այդ, ինչպես հայտնում են իրավապահ մարմիններում, վթարված մեքենաների մեջ կա նաև միկրոավտոբուս: Մահացածներից չորսը գտնվել են մեկ մեքենայի մեջ:
Ականատեսների վկայությամբ, մեքենաները իրար մեջ են բախվել մեկը մյուսի հետևից, որոշ մեքենաներում էլ դրանցի հետո հրդեհ է բռնկվել:
Մայրուղին դեռ փակ է: Այրված մեքենաներն արդեն հեռացվել են, սակայն ոստիկանները չեն կարող ասել` երբ է երթևեկությունը վերականգնվելու, քանի որ ճանապարհի այդ հատվածը վնասվել է: