Երբ Ջորջ Վաշինգտոնը մահացավ (1799 թվականի դեկտեմբերի 14-ին), ողջ Ամերիկան սգում էր մեծ հերոսի մահը, ով ԱՄՆ-ին տարավ դեպի անկախություն:
Ճարտարագետ Ուիլյամ Թորնթոնը, սակայն, հավատում էր` Ամերիկայի առաջին նախագահը չէր կարող երկիրը այսքան շուտ լքել: Նա որոշեց Վաշինգտոնի մարմինը վերադարձնել:
Daily Mail-ը հաղորդում է, որ Ջորջ Վաշինգտոնի պատմությունը Abraham Lincoln: Vampire Hunter գրքի մի մասն է, որտեղ 16-րդ նախագահը ներկայանում է որպես ուժեղ կոփված վամպիր: Վաշինգտոնի պատմությունը իրականում ճշմարտություն է, որը բացահայտվել է io9-կողմից:
Իր մահվանից առաջ Վաշինգտոնը բժիշկներին ասել էր` մահանում է, բայց չի վախենում հեռանալուց: Նրա մարմինը դրել էին սառուցի վրա, մինչ ընտանիքը պատրաստվում էր հուղարկավորությանը: Հենց այդ ժամանակ Թորնթոնը գնում է Մարթա Վաշինգտոնի մոտ և պատմում իր խելագար գաղափարի մասին: Նա մտածում էր վերադարձնել նախագահի մարմինը տաքացնելու միջոցով և ամենակարևորը` նրան գառան արյուն փոխներարկել, քանի որ այդ ժամանակ բժիշկները կարծում էին, թե գառան արյունը յուրահատուկ հատկություններ ունի:
Այս պատմությունը քաղված է Flesh and Blood: Organ Transplantation and Blood Transfusion in 20th Century America գրքից, որը 2008 թվականին գրվել էր Սյուզան Լեդերերի կողմից: io9-ը ենթադրում է, որ Թորնթոնի կարծիքով՝ արյան փոխներարկումը կարող էր նախագահին երկրորդ կյանք պարգևել:
Այնուամենայնիվ, Մարթա Վաշինգտոնը չի ընդունում Թորնթոնի առաջարկը, բայց ոչ թե այն պատճառով, որ գաղափարը շատ տարօրինակ էր, այլ, ինչպես ինքն էր կարծում, նախագահը հանգստի կարիք ունի: