Քաղբանտարկյալների ազատ արձակելու հանգամանքը վերջին շրջանում շատերը կապում են ԵԽ մարդու իրավունքների գլխավոր հանձնակատար Թոմաս Համերբերգի հունվարին Հայաստան կատարելիք այցելության հետ:
ԵԽԽՎ-ում Հայաստանի խորհրդարանական պատվիրակությունում ընդդիմադիր «Ժառանգություն» խմբակցությունը ներկայացնող պատգամավոր Զարուհի Փոստանջյանը ևս այդ կարծիքին է. «Քաղաքական հայացքների համար բանտախցում գտնվող անձանց ազատ արձակումը, կարծում եմ, պայմանավորված է հենց Եվրոպայի խորհրդով և նրա այլ մարմիններով՝ լինի դա մարդու իրավունքների հանձնակատարի մարմինը, թե Եվրոպայի խորհրդի խորհրդարանական վեհաժողովը»:
Փոստանջյանը ընդգծեց, որ այս պահի դրությամբ ԵԽԽՎ նախարարների կոմիտեում է գտնվում «Ա1+»-ի վերաբերյալ մարդու իրավունքների եվրոպական դատարանի կողմից կայացրած որոշումն ի կատար ածելու խնդիրը, մեկ այլ մարմնում` Հայաստանի կողմից ԵԽԽՎ-ի բանաձևերի իրականացման խնդիրը, և բնական է, որ այդ բոլոր հարցերով ԵԽ մարդու իրավունքների գլխավոր հանձնակատարի դերը մեծ է: