Bloomberg գործակալությունը հաղորդում է, որ ռուս թենիսիստուհի Մարիա Շարապովան աշխարհի ամենահարուստ մարզիկների ցուցակում առաջ է անցել հանրահայտ ֆուտբոլիստ Դևիդ Բեքհեմից:
Շարապովան մեծ վերելք է արձանագրել` 83-րդ հորիզոնականից հայտնվելով 33-րդ տեղում: «Մանչեսթեր Յունայթեդ»-ի նախկին կիսապաշտպան Դևիդ Բեքհեմը, ով այժմ հանդես է գալիս «Լոս-Անջելես Գելեքսի»-ի կազմում, հայտնվել է 58-րդ տեղում (զբաղեցնում էր 19-րդ տեղը): Մարիա Շարապովայի կարողությունը գնահատվում է 24,5 մլն ԱՄՆ դոլար: 2011 թվականին նա Forbes-ի հաշվարկով մոտ 25 մլն դոլար եկամուտ է ունեցել:
Ամենահարուստ մարզիկների տասնյակում հայտնվել են թենիսիստներ Ռաֆայել Նադալը (5-րդ տեղ), Ռոջեր Ֆեդերերը (6-րդ) և Նովակ Ջոկովիչը (9-րդ):
Ցուցակը գլխավորում է ամերիկյան ֆուտբոլի «Նյու-Օրլեան Սեյնթս» թիմի խաղացող Դրյու Բրիսը: