Անգլիայի հավաքականի հարձակվող Ուեյն Ռունին 5 տարվա նոր պայմանագիր է ստորագրել Մանչեսթեր Յունայթեդի հետ: Ուեյն Ռունին մանկունյանական թիմում կմնա մինչեւ 2015թ.: Վերջին շաբաթներին բոլոր մարզական թերթերը գրում էին, որ Ռունին հեռանալու է Մանչեսթերից:
Մանչեսթերի գլխավոր մարզիչ Ալեքս Ֆերգյուսոնը հայտարարել է, որ սա «դժվար շաբաթ էր Մանչեսթերի համար: Ես Ռունիին ասել եմ, որ դուռը միշտ բաց է իր համար, եւ ես ուրախ եմ, որ նա որոշել է մնալ: Երբեմն երբ դու ակումբում ես, դժվար է պատկերացնել դրա կարեւրությունը, եւ դրա համար պետք է վերջին օրերի պես մի ժամանակահատված: Կարծում եմ՝ Ուեյնը հիմա հասկանում է, որ Մանչեսթերը մեծ ակումբ է»:
Երկուշաբթի ԶԼՄ-երը վստահ հայտարարում էին, որ հոկտեմեբրի 24-ին իր քսանհինգամյակը տոնող Ռոնին պատրաստվում է լքել Մանչեսթերը: Այդ խոսակցությունների հավանականությունը հաստատեց նաեւ Ֆերգյուսոնը: Ռունին նույնպես բավարարված է, որ մնում է Մանչեսթերում: «Վերջին մի քանի օրերին ես խոսել եմ մարզչի եւ ակումբի տիրոջ հետ: Նրանք ինձ համոզեցին մնալ: Մեր մարզիչը հանճար է, եւ դա որոշիչ գործոններից մեկն էր»:
